收到一個讀者Inbox。
佢話上年嚟書展嘅時候，好開心我認得佢。
今年無咗書展，希望下年仲會記得佢。
其實，開心嗰個係我先啱。
我記性真係好差
但總有一班讀者，每個故事嘅留言，
每次處理寄書訂單，每次活動…
我都會見到佢哋個名。
於是，我自自然然會記得佢哋。
然後，每次出新書，我都好驚見唔到呢啲熟悉嘅名字。
而家咁多娛樂，要放棄一個作者非常容易。
只要你有幾篇故事無睇到，我嘅故事就唔會再出現喺你fb…
於是，你唔會知我出咗新書，你亦唔記得咗我呢粒橙。
所以要講多謝嘅係我先啱。
聽日就係一連兩晚嘅『一人書展』
仲緊張過灣仔大型書展
因為一個人搞，無人嚟會好樣衰。
今晚我會自己搬書去DeskOne
到時豆姐會負責收錢，可能需要排隊，可能會拍烏蠅。
希望到時可以見到你，可以唔使咁樣衰。
日期：12月3~4日（星期四、五）
時間：7PM~10:30PM
地點：旺角Desk One
旺角中僑商業大廈22樓
(入口在瓊華中心旁)
就算來不到，也可以網購，幫忙減輕倉庫壓力！
https://bluegodzistore.boutir.com/
Search